Selasa, 11 April 2017

Proposal Ho Lian Tetun Kompletu (Fredy de Jesus Silva)



PROPOSTA
KOOPERASAUN GOVERNU TIMOR-LESTE HÓ ORGANIZASAUN INTERNASÍONAL
UNITED NATION FUND POPULATION
(UNFPA)
(ESTUDU KAZU:  REALIZASAUN RESENSIAMENTO DADUS IHA TINAN 2015)
Proposta ne’e hanesan kritería ida atu aprezenta iha seminaríu proposta, nu’udar rekezitu atu bele priense ba programa lisensiatura (Strata Ida/S1) ba Departamentu Relásaun Internasíonal
HUSI
FREDERICO BRANCO DE JESUS
12.03.01.0008
DEPARTÁMENTO RELÁSAUN INTÉRNASIONAL
FAKULDADE SÍENSIA POLITÍKA
UNIVÉRSIDADE DILI
(UNDIL)
2016


Prefasíu
Agradese ba aman maromak no inan maria virgen nia sabedoría tomak hodi ajuda ona atan oan ida ne’e, hodi bele dezenvolve proposta ne’e hó diak, tan ne’e mak atan oan hili titulo”Kooperasaun Governu Timor-Leste Hó Organizasaun Internasíonal (UNFPA) United Nation Found Population (Estudu Kazu: Realizasaun Resensiamento Dadus iha Tinan Kotuk 2015), mezmu iha proposta ida ne’e atan oan hasoru dezafiu oi-oin no atan oan fiar katak, nain sei haraik grasa mai atan oan bele desenvolve proposta ou monográfia ida ne’e hó diak.
Atan oan mós lahaluha fó obrigadu wain ba dosente, kolegas no entidades hotu hó laran luak ajuda hodi fó informasaun hó diak mai atan oan hau, atu nune’e proposta ida ne’e bele hotu hó durasaun tempu ne’ebé mak determina ona, ikus mai rekonese katak proposta ne’e pronto ona la siknifika katak perfeitu ona, nune’e husu ba dosente orientadór sira nia konsensia bele fó kritika no fó sugestaun atu nune’e proposta tuir mai bele diak liu tan hó sistematiku. Tamba ne’e iha oportunidade ne’e hakerek nain hato’o agradesementu ba:

1.   Cesaltina Angela Soares.,L.CP. Nu’udar dekana fakuldade síensia polítika Universidade Dili (UNDIL).
2.   Cosme A.Da Costa Freitas.,S.IP.,M.HUM. Dosente oríentadór  primeiru ida ne’ebé  fo tempu ba hau no fo ideias iha prosesu oríenta nia laran, no fo nia solusaun ba prosesu hakerek  proposta ida ne’e nia laran to’o remata.
3.   Cesaltina Angela Soares.,L.CP. Dosente segundu oríentadór ida ne’ebé fo tempu ba hau no fo ideias iha prosesu oríenta nia laran, no fo nia solusaun ba prosesu hakerek proposta to’o remata.



Akronimu

RDTL                         :          Republika Demokrátika  Timor-Leste
ONU                           :          Organizasaun Nasões Unidas
UNFPA                      :          United Nation Fund Population
UNWOMEN              :           United Nation Women
WHO                          :          World Healt Organization
UNICEF                    :           United Nation International Children’s Fund
DNE                           :           Diresaun Nasional Estatistika



TABELA KONTEÚDU
 TITÚLU........................................................................................................... I
LISTA PAGÍNA...............................................................................................II
ABSTRÁTU....................................................................................................III
TABELA KONTEÚDU...................................................................................IV
LIAN MAKLOKE..........................................................................................V
AKRÓNIMU..................................................................................................VI

KAPITÚLU I INTRODUSAUN...................................................................1
1.1. Introdusaun..................................................................................1
1.2. Identifikasaun Problema...............................................................11
1.3. Formulasaun Problema.................................................................11
1.4. Limitasaun Problema...................................................................12
1.5. Benefisiu Peskiza.........................................................................13
1.6. Razaun Hili Titúlo.........................................................................13
KAPITÚLU II ENKUADRAMENTU TEORÍA.................................14
2.1. Definisaun Teoría........................................................................14
2.2. Teoría Nasaun ...........................................................................14
2.3. Teoría  Koperasaun Internasíonal ...............................................15
             2.4. Teoría Organizasaun Internasíonal...............................................16
           2.5. Teoría Populasaun........................................................................17
KAPITÚLU III METODÓLOGIA PESKIZA...................................18
3.1. Metodologia Peskiza.....................................................................18
3.2. Fontes Dadus ...............................................................................18
a)      Fontes Dadus Primariu.......................................................18
b)      Fontes Dadus Sekundaria..................................................18
3.3. METODO KOLÉKTA DADUS ................................................18
a)      Intervista.............................................................................19
b)      Dokumentasaun..................................................................19
3.4. Tekniku Analíza Dadus.............................................................19
3.5. Fatin no Tempu Kolekta Dadus...............................................20
3.5. Sistématika Hakerek...............................................................22
BIBLEOGRAFÍA




KAPITÚLU I

INTRODUSAUN

1.1. Introdusaun

Timor-Leste hetan Koloníal husi Portugal durante tinan 450, de faktu katak nasaun Timor-Leste hetan ona proklamasaun unilatéralmente iha loron 28 novembru 1975 no tuir komunidade internasíonal nia perspektiva katak Timor-Leste seida’uk ukun a’an iha momentu ne’ebá, to’o ikus nasaun Timor-Leste hetan fali invazaun illegal husi nasaun indonesía durante tinan 24.

Iha loron 30 fulan Agustu tinan 1999, komunidade Timor oan hotu hó idade minimu 17 (sanulu resin hitu) obrigatóriu atu partisipa iha votasaun hodi determina Timor-Leste nia ukun rasik-an, hó pursentu votus mak 78,50% ba pro-independensia no ba pro-otonomia 21,50%. Hó rezultadu votasaun refere Timor-Leste konsege restaura independensia iha loron 20 fulan maiu 2002.[1] Depois restaurasaun, governu Timor-Leste hahu intensiva kooperasaun internasíonal iha asuntu politika entre estadu ka estadu hó organizasaun internasíonal. Bazeia ba inisiativa refere governu Timor-Leste hahu kria kooperasaun ofisial hó organizasaun internasíonal. Organizasaun internasíonal refere hamahon a’an iha organizasaun Nasões Unidas (ONU) nia okos. Organizasaun Internasíonal UNFPA apresia no valoriza hodi hala’o kooperasaun hó estadu Timor-Leste, katak organizasaun ne’e mós membru husi ONU nian, tamba organizasaun internasíonal UNFPA refere iha valor bo’ot ba prosesu resensiamento dadus.[2] Organizasaun internasíonal hó nia kna’ar tomak atu fornese apoiu ba nasaun hot-hotu iha mundu (Global) ba seitór hotu.

Politíka governu Timor-Leste normalmente fó prioridade ba asuntu kooperasaun internasíonal liu-liu governu Timor-Leste hó organizasaun internasíonal no mós hó estadu soberania seluk. Fundus nasões unidas ba organizasaun internasíonal (United Nation Fund Population) hodi fo apoio ba realizasaun resensiamentu iha tinan kotuk 2015, tamba realizasaun resensiamentu iha Timor Leste hanesan planu ba prosesu dezenvolvimentu. Nasaun Timor-Leste labele hado’ok an husi organizasaun internasíonal, tamba organizasaun internasíonal bele orienta nafatin no fó oportúnidade ba povu Timor-Leste atu halo administrasaun ida ordenadu no atendementu lalais ba povu hó lolos no finalidade atu fó autorizasaun ba sidadaun Timor-Leste ne’ebé presiza tebes organizasaun internasíonal nia apoiu liu husi kooperasaun hodi nune’e bele proteje populasaun Timor-Leste.[3]

Papel estadu Timor-Leste hó organizasaun internasíonal UNFPA iha Timor–Leste ohin loron halo kontrolamentu no haburas sistema kontrola hó diak hodi estabelese kondisaun ida hó prosperu no hakmatek, atu fó asistensia administrativu ba realizasaun resensiamentu dadus, hodi nune’e bele kontrola Populasaun iha nasaun Timor-Leste. Estadu Timor-Leste tenke fó kritériu agresivu hodi bele regulariza kona-ba kapasidade no abilidade ne’ebé hetan husi organizasaun internasional UNFPA iha nasaun Timor-Leste atu fó positivu diak ba sidadaun hotu liu husi realizasaun resensiamentu dadus 2015 ne’ebé tuir demografía Timor-Leste nian.[4]
Parte organizasaun internasíonal UNFPA mós hetan aprovasaun fundus housi (ONU) Organizasaun Nasões Unidas nian, atu nune’e bele hala’o kna’ar ba nasaun ne’ebé Nasões Unidas determina ona. Hó ida ne’e kooperasaun bilateral Timor-Leste no organizasaun internasíonal ne’e importante teb-tebes hodi kria paz no estabilidade iha nasaun Timor-Leste no ba organizasaun internasíonal seluk ne’ebé hala’o nia kna’ar iha Timor-Leste.
Tamba ne’e mak Timor-Leste halo kooperasaun bilateral, trilateral, no multilateral, bazeia ba konstituisaun RDTL iha artigu 8 kona-ba relasaun internasíonal iha alinea 1 hatete katak Republika Demokratika Timor-Leste hala’o relasaun internasíonal husi prinsipiu indepedensia nasional, kona-ba ema hotu nia direitu, no alinea 4 katak Republika Demokratika de Timor-Leste hala’o nafatin nia relasaun ba belun espesial harosan hó nasaun vizinu sira no nasaun hirak ne’ebé mak iha regiaun laran. Hó nune’e artigo 8 sai hanesan matan dalan ba Timor-Leste atu halo relasaun diak hó nasaun sira seluk liu-liu ba nasaun vizinu. No mós iha artigu 9 hatete katak simu direitu internasíonal iha alinea 2 mós koalia katak norma sira ne’ebé mai iha konvensaun, tratadu no akordu internasíonal sira nia laran ne’ebé vigora iha ordem lei rai laran nian, wainhira hetan aprovasaun, ratifikasaun no adezaun husi orgaun kompetente ida-idak no publika ona iha jornal offisial da republika.[5] Tan ne’e mak organizasaun internasíonal importante tebes ba povu Timor-Leste atu bele fasilita ba area resensiamentu nian hó sasan ne’ebé mak teknologia atu fó nasaun RDTL ba futuru. No tuir organizasaun internasíonal UNFPA nia hare’e katak wainhira hakat atu hadia nasaun ba futuru hó diak presiza mós hetan kontribuisaun no konsiensia mai husi sosiedade sivil, Autoridade lokal no orgaun soberania estadu hotu nia partisipasaun, iha mekanismu atu bele halo negosiasaun hó nasaun avansadu hodi bele investe tuir sistema internasíonal nian.
            Nasaun Timor-Leste hala’o nafatin kooperasaun hó agensia ba programa ONU nian, organizasaun naun governametal ba dezenvolvimentu no ezekuta programa hó objetivu atu hadia administrasaun kona-ba realizasaun resensiamentu dadus Populasaun nian.[6] Organizasaun internasíonal UNFPA kontinua no buka nafatin asistensia tekníka no kooperasaun husi  WHO, UNICEF,UNWOMEN no organizasaun  seluk atu parseria ba relevante  resensiamentu dadus nian[7].

            Organizasaun internasíonal ONU liu husi agensia UNFPA define katak realizasaun resensiamentu ne’e hanesan prosesu tomak ida hodi halibur, kompila, halo avaliasaun. Atu halo analiza no publika atu halo dimensaun demografia, ekonomia ka pertense ba dadus sosial. Iha tempu ne’ebé espesifiku, ba ema hotu iha nasaun laran ka parte ida ne’e determinadu tebes husi nasaun nian. Atu habadak deit katak realizasaun resensiamentu ne’e importante tebes bá ema no nasaun hotu.

  Realizasaun resensiamentu dadus iha tinan 2015 ne’ebé estatisika fó sai iha fontes primária dimensaun estatistika hatudu hó objetivu ida kona-ba dadus populasaun iha Timor-Leste, no mós distribuisaun, kompozisaun karakteristika sosial no ekonomia seluk husi Populasaun nian. Hó dadus husi resensiamentu populasaun ne’e sei fornese informasaun bazeia ba nivel administrativu hotu. Katak nasaun presiza informasaun ne’ebé utiliza, relevante no iha konfiansa tuir evidensia nian hodi halo desizaun.[8] Baze fundamental ida mak governu Timor-Leste hó organizasaun internasíonal UNFPA koopera hamutuk liu husi diresaun gerál estatistika hodi realiza resensiamentu ba dadus populsaun iha nasaun Timor-Leste hodi nune’e bele hatene populasaun iha nasaun Timor-Leste, bazeia ba sensus uma kain 2015 hó total populasaun hamutuk mak 1.167,242, mane 588.561, feto 578.681.[9]

            Koalia kona-ba kooperasaun bilateral entre governu Timor-Leste hó organizasaun internasíonal UNFPA  katak historikamente iha fase realizasaun resensiamentu tomak ne’e planeia husi organizasaun internasíonal UNFPA hó governu Timor-Leste, tamba organizasaun internasíonal UNFPA mak sai  autor ba prosesu realizasaun resensiamentu iha Timor-Leste to’o remata. Iha intervensaun husi komunidade internsíonal mak hanesan organizasaun internasíonal Nasões Unidas (ONU) katak politika internasíonal  ida ne’e, laiha dominasaun husi autor nasaun sira, hetan domina husi non actor state de’it mak hetan dominasaun iha assuntu politika, defeza seguransa, ekonomia, sosiu kultural, hó  agora daudaun ne’e non actor state mak ativu tebes iha parte hotu. Dala barak  nasaun iha interese atu determina ukun rasik-an no sai hanesan nasaun ida, hodi forma estadu no tuir regulamentu karta Nasões Unidas hetan aprovasaun iha San fransisco iha loron 26 junu 1954.[10]

            Organizasaun UNFPA halo kooperasaun hó Timor-Leste hahu iha tinan 1999 no estabele oraganizasaun hala’o servisu iha Timor-Leste iha tinan 2003,[11] nune’e mos organizasaun ne’e hala’o kooperasaun nafatin ba membru seluk atu nune’e organizasaun ne’e ba oin nafatin, iha parte ida ne’e  mós organizasaun internasíonal sempre hasoru dezafiu iha aspeitu hotu-hotu, tamba organizasaun internasíonal bele mós halo mundansa ba partisipasaun organizasaun internasíonal sira seluk ne’e relativu tebes. Partisipasaun organizasaun internasíonal mós bele hala’o tuir nia regulamentu individualmente no hetan  interasaun ba estrutura hotu, katak relevante direitamente no indireitamente ba iha organizasaun sira. Atu nune’e bele hetan integrasaun no efektivu ba kada individu atu partisipa iha organizasaun internsíonal ba relevansia hó assuntu resensiamentu.  Iha momentu ne’e organizasaun internasíoanal UNFPA nia partisipasaun bele define katak involvimentu no mentaliza ka hanoin emosíonal hó situasaun ba  grupu  sempre suporta no motiva ba grupu, atu nune’ e bele hetan objetivu. Involvimentu ne’ebé organizasaun internasíonal UNFPA ativu no partisipa  ne’e la’os katak involve deit, maske buka dalan atu rezolve ba realizasaun resensiamentu iha nasaun Timor-Leste  ne’e, hodi nune’e bele hetan  rezultadu diak ba nasaun no organizasaun internasíonal sel-seluk liu-liu ONU.
            Atu dezemvolve nasaun presiza mós hadia uluk rekursu umanu liu husi realizasaun resensiamentu dadus Populasaun rai laran hó diak, atu nune’e bele atinji targetu dezenvolvimentu iha aspeitu ekonomia, politíka, sosial, defeza seguransa liu husi balansu hó diak.
Bazeia ba estudu organizasaun internasíonal UNFPA, argumenta katak problema ne’e mak sei bareira ou sai obstakulu hela ba nasaun Timor-Leste, parte seluk mekanismu organizasaun UNFPA relata katak dala ruma rezultadu estudu ne’e identifika katak, tan hó papel entidades husi UNFPA formalmente ba realiza  resensiamentu 2015. Hodi nune’e bele identifika kona-ba efikas no efisiensia ba Populasaun rai laran, husi orientasaun proféssional organizasaun  ONU fó ba agensia hotu atu halo kna’ar  iha nasaun Timor-Leste hodi koopera hamutuk hó entidades refere hanesan, diresaun gerál estatistika atu bele realiza kona-ba baze dadus  Populasaun rai laran.[12]
            Ba servisu organizasaun internasíonal UNFPA atu realiza kona-ba resensiamentu dadus iha tinan 2015 ne’e hetan preokupasaun, no kritíka oi-oin husi publiku. Preokupasaun  ne’e bele refleta katak servisu UNFPA durante ne’e la’o di’ak no koopera nafatin hó governu Timor-Leste. Wainhira hare’e husi pontu devista sidadaun atu sai nu’udar kliente ba servisu hamutuk hó organizasaun internasíonal UNFPA ne’e bele hatete katak nasaun Timor-Leste bele sente no satisfaz hó desempenamentu servisu UNFPA iha Timor–Leste. Hare’e husi perspektiva finanséiru, kustu atu hametin makina estadu nian durante ne’e relativamente bo’ot. Ida ne’e bazeia ba aspeitu valor nominal husi kustu alokasaun orsametu estadu, komparasaun kustu organizasaun internasíonal UNFPA ajuda mai estadu Timor-Leste ne’e hó fundos mak  $ 3,184,633.00.[13]
Hó orsamentu ne’e uza ba realizasaun resensiamentu dadus iha tinan kotuk 2015, atu nune’e resensiamentu  dadus Populasaun ne’e  bele susesu  no lori makina estadu atu funsiona aumenta husi tempu ba tempu. Ita bele nota de’it katak wainhira prosesu resensiamentu dadus ne’e importante tebes ba nasaun, atu nune’e bele hatene kondisaun kona-ba Populasaun iha territoria Timor-Leste. Ita mós bele nota husi relatóriu ka estudu hirak ne’e hala’o  ona iha tinan 2015.
Iha observasaun lubuk ida husi autor nota durante ne’e, depois rona esperiensia pesoal ema nian, observasaun iha fatin, no rona rasik mós argumentu husi fornesedór servisu iha organizasaun internasíonal.[14] Katak organizasaun internasíonal ida iha interese no fó informasaun ba sidadaun hotu iha Timor-Leste atu nune’e bele hola parte ba realizasaun resensiamentu dadus ou sensus uma kain iha tinan 2015.
 Permite ba realizasaun resensiamentu dadus iha tinan 2015 ne’e nu’udar organizasaun internasíonal UNFPA nia  kompromisu fó ba nasaun, no ida ne’e hanesan instrumentu ida importante teb-tebes atu forma dezenvolvimentu nasaun nian. Atu halo simples, signifíka sura sidadaun hotu iha nasaun no tuir tempu partíkular.
Durante realizasaun resensiamentu ou sensus ne’e, intervistadór sira (hanaran mós enumeradores) hodi halibur informasaun kona-ba kuantidade, distribuisaun, kompozisaun no karakteristíka  sosiu ekonomíku no demografía husi Populasaun nian.[15] Atu asegura katak logistika bele fó rezultadu no benefisu ba respondentes hodi komprende no mós aseita ba perguntas kestionáriu nian. Hó hanoin hirak ne’e mak presiza realiza resensiamentu dadus ou sensus piloto ida iha areas balun ne’ebé identifika ona engerál  realiza resensiamentu ka sensus pílotu ne’e  akontese tinan ida antes realizasaun resensiamentu dadus ka sensus atual.[16]
            Atividade husi organizasaun internasíonal hó nia papel define iha Magna karta nasões unidas nian, no tuir regimento internasíonal, hodi hola parte ativamente iha inisiativa oi-oin, liu-liu realizasaun resensiamentu dadus ne’e iha ligasaun direita hó resensiamentu dadus  iha Timor-Leste.
Tan ne’e tuir organizasaun internasaíonal UNFPA hó governu Timor-Leste realiza resensiamanetu hahu husi primeiru, entidades estadu, liu- liu governu tenke konsidera ba realizasaun resensiamentu dadus iha tinan kotuk 2015 ne’e importante ba governu. Hó nune’e mak tratamentu ba assuntu ne’e seriu, relasaun seriedade ne’e tenke to’o iha baze.
Hari’I diresaun gerál estatistika no kordena  ba realizasaun resensiamentu dadus ka sensus hodi garante implementasaun programa tuir estandarte estabelese tiha ona. Kestaun metódologia, governu tenke fó ona konfiansa ba Timor oan hodi define lo-los nesesidade informasaun hó maneira ida tenke presiza. Tan ne’e  tenke konsidera katak referensia husi assessor internasíonal UNFPA aprezenta no tenke diskute la’os utiliza tomak (hare kestionáriu forsa traballu no agrikulutra) Iha assessor internasíonal husu organizasaun internasíonal mós involve hodi evita estandarte nasaun avansadu mai aplika tomak iha Timor-Leste (Iha diferente sosio-kultural, ekonomia, geografia, politika seguransa, no teknologia). Konsiderasaun kondisaun ri’il sai faktor determinante ba terminasaun metódologia.

            Iha aspetu implementasaun ou tekníku metodólogia ne’e la apar bele sai obstakulu ba dadus kualidade. Iha parte ida ne’e mós iha duvidas ba organizasaun internasíonal UNFPA hó estadu Timor-Leste hetan dezafiu iha terenu (liu-liu implementasaun no metódologia ba realizasaun resensiamentu ka sensus uma kain 2015) nota katak publika ejije governu nia konstitensia. Governu mehi ida katak fornesimentu dadus ne’e importante tebes ba sidadaun tomak iha nasaun Timor-Leste. Hó razaun katak nu’udar informasaun publíku, no gasta rekursu estadu ne’e bo’ot no fó atensaun ba organizasaun internasíonal UNFPA no governu Timor-Leste. Hó sentimentu ba realizasaun resensiamentu ka sensus hamosu kritiku ba instituisaun implementadór.[17]

1.2. Identifikasaun Problema

            Bazeia ba introdusaun hirak temi ona iha leten mak peskizadór nu’udar hakerek nain ba proposta ida ne’e sei halo identifikasaun problema mak hanesan tuir mai ne’e:

1.   Oinsa kooperasaun governu Timor-Leste hó organizasaun internasíonal UNFPA ba realizasaun resensiamento dadus iha tinan 2015!
2. Oinsa governu Timor-Leste hó organizasaun internasíonal UNFPA nia programa no prosesu realizasaun resensiamento dadus populasaun iha Timor-Leste!
1.3. Formulasaun Problema
            Bazeia ba problema hirak temi ona iha leten peskizadór nu’udar hakerek nain ba proposta ida ne’e, hodi halo formulasaun mak hanesan tuir mai ne’e:
“Tamba saida mak governu Timor-Leste hó Organizasaun Internasíonal UNFPA hakarak realiza resensiamento dadus ba populasaun iha Timor-Leste no benefisiu saida?”
1.4. Limitasaun Problema
     Hare’e ba introdusaun hotu ne’ebe mak mensiona iha leten, nu’udar hakerek nain liu husi peskíza ne’e sei hare’e liu ba problemas no obstakulo ne’ebé mak kooperasaun governu Timor-Leste hó organizasaun internasíonal UNFPA ba realizasaun resensiamento iha tinan 2015, Timor-Leste hahu husi mekanismu ne’ebe kria husi estadu Timor-Leste ba UNFPA. (Estudu Kazu: Realizasaun Resensiamento dadus iha tinan 2015).
2.5. Objetivu Peskiza
1.       Atu hatene diak liu tan kona-ba kooperasaun Governu Timor-Leste hó Organizasaun internasíonal UNFPA ba realizasaun resensiamentu dadus 2015 iha Timor-Leste.
2.      Atu hatene diak liu tan kona-ba organizasaun UNFPA nia servisu iha Timor-Leste.
3.      Atu hatene diak liu tan kona-ba organizasaun UNFPA nia servisu ba prosesu realizasaun resensiamentu dadus iha tinan 2015.
2.5.1. Objetivu Geral
            Peskizadór buka atu hatene klean kona-ba kooperasaun governu Timor-Leste hó Organizasaun Internasíonal UNFPA ba realizasaun resensiamento iha tinan 2015, Timor-Leste infrenta ba prosesu implementasaun ka realizasaun resensiamento dadus iha tinan 2015.
2.5.2. Objetivu Espesifíku
            Sai indikadór ida ba sivitas akademikas no ministerio finansas liu-liu ba diresaun geral estatistíka atu kopera hamutuk hó organizasaun internasíonal UNFPA hó responsabilidade tomak ba realizasaun resensiamento dadus 2015 to’o remata.
Atu aumenta no fó koñesemento ba peskizadór, iha estudu ida ne’e sai sientífiku liu kona-ba kooperasaun governu Timor-Leste hó Organizasaun internasíonal UNFPA ba realizasaun resensiamento dadus iha tinan 2015.
2.6. Benefísiu Peskiza
            Benefísiu ne’e hetan iha peskíza no iha objetivu atu aumenta peskizadór nia koñesemento no komprensaunn kona-ba, servisu organizasaun internasíonal UNFPA ba realizasaun resensiamento dadus iha tinan 2015 iha Timor-Leste, no ida ne’e hanesan isu ida sensetívu tebes ba disiplina síensia relasaun internasíonal. Benefísiu ida mak sai sasukat ou refensia ba universídade liu-liu ba sivítas akadémikas Universídade Dili tomak, ba futuru sei hakerek diak liu tan.

1.7. Razaun Hili Titúlo
            Nu’udar estudante iha síencia politíka, relasaun internasíonal sente ba problema no bai-bain akontese iha komunidade nia le’et inklui Timor-Leste.
Bazeia ba interese peskizadór atu peskiza nu’udar mata dalan ba problema ne’ebé mak akontese, hó nune’e peskizadór foti topiku kona-ba kooperasaun governu Timor-Leste hó organizasaun internasíonal UNFPA ba realizasaun resensiamento dadus iha tinan 2015. Tamba titúlu ne’e peskizadór iha interese no influensía duni, hodi nun’e’e bele kompleta kritéria ba kandidatu lisensíatura.

KAPITÚLU II
ENKUADRAMÉNTU TEORÍA

2.1. Enkuadramentu Teoría
Definisaun teoría hanesan baze legal ida ba hakerek nain hodi haktuir dalan peskiza kona-ba koperasaun governu Timor-Leste hó organizasaun internasíonal UNFPA ba realizasaun resensiamento dadus iha tinan 2015. atu suporta peskizadór bele hakerek hó diak proposta ida ne’e hakerek uza teoría ne’ebé mak relevante hanessan fundamentu ou sasukat ida atu kaer metin hodi haforte liu tan ba peskizadór nia hakerek ne’e hó síentifiku. Tamba ne’e mak hó sasukat ne’ebé iha, uza atu forma proposta ida ne’e hakerek nain hare no interese liu ba teoría nasaun, atu hateten deit katak hó teoría nasaun ne’e mak iha governu sei buka mekanismu kona-ba koopersaun governu Timor-Leste hó Organizasaun Internasíonal UNFPA ba realizasaun resensiamento dadus iha tinan 2015, hodi nune’e bele debate, iha baze definisaun teoría ne’e peskizadór esforsu no haktuir kada konséptu husi teoría hirak ne’e mak relasaun entre fenomenu ida hó fenomenu seluk.
2.2. Teoría Nasaun
Nasaun ne’e hanesan orgaun ida no bo’ot tebes. Iha kompetensia hodi regulariza ba asuntu hirak mak iha relasaun ba interese ema lubun bo’ot no obrigatoríu hodi defende ba progresu sosiedade. Tamba ne’e mak nasaun ne’e bele dehan katak iha mós teritoriu, populasaun no estadu.[18]
            Tuir Soekarno hateten katak nasaun ne’e hanesan orgaun ou organizasaun ida ne’ebé iha poder tomak ba populasaun tomak iha area ne’ebé termina ona, no iha parte seluk mós poder ba nasaun ne’e mós regula hotu ba aspeitu hotu. nune’e mós síentista ida naran Mirriam Budiarjo hateten katak nasaun ne’e hanesan teritorio ida nakonu hó populasaun hodi tuir regulamentu estadu nian, signifíka katak ema hotu ne’ebé moris iha nasaun ida nia laran tenke hakruk ba lei ne’ebé hatun husi membru estadu, tamba hetan aprovasaun atu nune’e bele kontrola ba sidadaun hotu iha nasaun laran.[19]
2.3. Teoría Kooperasaun Internasíonal

Kooperasaun hanesan negosiu ida atu hamutuk hó ema, ka grupu hodi bele atinji objetivu hamutuk. Kooperasaun ne’e hanesan interasaun sosial ida importante liu ba ema moris no la hela ketak, tenke liu husi dalan koperasaun hodi nune’e bele hala’o interese ida hó objetivu. Iha kooperasaun ne’e mós liu husi individu–individu, nasaun hó nasaun atu nune’e bele atinji interese nasional nian.
            Tuir Michael Hass (2000:10).[20] Hateten katak kooperasaun hanesan negosiu mai hó kordenasaun atu haforte bazeia ba grupu ou sosiedade hodi nune’e atinji objetivu hamutuk. Kooperasaun hili husi areas relevante mak hanesan politika, ekonomia, sosio-kultural, defeza seguransa.

2.4. Teoria Organizasaun Internasíonal

Organizasaun internasíonal ne’e hari katak iha influénsia involvimento ba aspeitu hotu. Mai hó misaun no mós objetivu hanesan atu nune’e bele hala’o nia ezistensia husi grupo mak hanesan iha sosiedade nia le’et. Organizasaun ne’e hetan apoíu husi sosíedade, tamba ne’e mak organizasaun ne’e fó nia kontribuisaun mak hanesan ba rekursu umanu iha sosiedade nia le’et.[21]
Tuir Chester I.Bernard hateten katak organizasaun ne’e hanesan sistema ida ou atividade atu koperasaun hamutuk ida ka rua ba leten, atu nune’e atinji objetivu ida de’it ba interese ema lubun bo’ot.
Tuir Matthew Paterson hateten katak organizasaun internasíonal mós fó dezafiu ba estadu no mós ba sidadaun hotu, liu-liu ba intelektual.
Tan ne’e mak organizasaun internasíonal liu husi koopersaun internasíonal ne’e, atu bele hametin relasaun diak hó nasaun refere, hodi nune’e bele atinji interese ema lubun bo’ot, katak atu resolve kona-ba mudansa ka akontesimentu politika global nian.[22]

2.5. Teoría Populasaun

Tuir Sukirno (2000) Populasi merupakan penduduk melakukan aktivitas untuk memenuhi kebutuhan hidup. semakin meningkat jumlah penduduk maka kebutuhan akan mengalami peningkatan penganguran. Dan juga pertambahan jumlah penduduk yang tidak seiring dengan perkembangan atau kesempartan kerja akan mengakibatkan menigkatkan penganguran. [23]

Tuir Sukirno, (2000) define katak populasaun hakarak hala’o aktividade hodi bele responde ba nesesidade. Tamba total populasaun mós aumenta no desemprego mós bele aumenta hodi afeta ba aktividade lor-loron nia. Tan ne’e mak atu aumenta volume populasaun ne’ebé mak laiha no bele mudansa hodi fó oportunidade ka servisu hodi nune’e labele aumenta volume desemprego.


KAPITÚLU III
METODÓLOGIA PESKIZA
3.1. Métodu Peskiza
          Métodu ne’ebé utiliza hodi halo peskiza ida ne’e mak métodu deskritivu kualitativu hó dadus sekundáriu ne’ebé hetan husi literatura oi-oin. No deskreve kona-ba referensia iha relasaun hó problema ne’ebé mensiona iha monografia ida ne’e.
            Tuir Bogda no Taylor (1975:5) “metodologi kualitatif” hanesan prosedura peskiza nian atu rejulta dadus deskretivu hó forma eskrita ka verbál husi ema no lalaok intervista.
3.2. Fontes Dadus
3.2.1. Dadus primáriu katak dadus ne’ebé hetan direita husi peskizadór iha kampu peskiza liu husi aprosimasaun rua mak hanesan: observsaun no intervista.
3.2.2. Dadus sekundáriu katak dadus ne’ebé peskizadór hetan husi dokumentus iha peskiza fatin no husi revizaun literatura.
3.3. Tékniku Halibur Dadus

Tekniku halibur dadus tuir Tuir Sutrisno Hadi (1986) hateten katak, intervista sai hanesan metodu ida hodi kobre informasaun, ikus mai halo gravasaun bele halo direítamente no mós indireítamente. Nune’e mos ba dokumentus ne’ebe mak iha atu kompleta liu tan ho intervista ne’e maka livru, internet ne’ebe relasiona ho problema atu peskiza ba. Tekniku halibur dadus mak hanesan tuir mai ne’e.[24]

3.3.1.   Téknika entervista katak atu rekolla dadus ne’ebé hetan husi direitamente hó respondente ne’ebé iha kargu xefia no ema ne’ebé iha koñesementu kona-bá problema atu identifika ne’e.

3.3.2. Tékniku dokumentasaun katak, tekniku rekolla dadus kona-ba teória no dokumentu, livru, internet, no relasiona ba problema ne’ebé atu halo peskiza bá.

3.4. Tékniku Análiza Dadus
Iha prosesu peskiza ne’e, peskizadór uja analiza kualitativo deskriptivu hanesan metodo ida ne’ebé atu uja hodi analiza klean liu tan kona-ba kooperasaun governu Timor-Leste hó Organizasaun Internasíonal UNFPA ba realizasaun resensiamento dadus iha tinan 2015. Iha ne’e mos hakerek nain hakarak uja metodo ida ne’e atu sukat dadus peskija ne’e, tan ne’e  mak tuir Miles hó Hubermen  hatete katak  Analiza dadus kualitativu atu halo kontinuasaun, no repete kontinuasaun husi konkluzaun no liafuan  ne’ebe sai resposta ba problema. Atu halo tuir prosedura no kontiudu ba dadus ne’ebé peskizadór hetan husi fatin peskiza atu koko halo tuir metodu iha kraik ne’e:

Oval: Analiza Dadus (Penyajian Data) Oval: Halibur Dadus (Pengumpulan Data)Modelu: komponente ne’ebe peskizadór uja hodi analiza dadus.

 



Fontes infomasaunMiles hó Huberment (1992-16)[25]
Esplikasaun:
1.      Halibur dadus hó metodu entervista, dokumentasaun, hafoin prosesa no kontinua ba analiza kualitativu deskriptivu.
2.      Reduksaun dadus bele define hanesan prosesu selesaun, foka liu ba re-verifikasaun ba dadus ne’ebe rekolla iha kampu peskiza. Hodi tetu no muda dadus hó metodu ne’ebé seidauk sistematiku sempre mosu iha fatin peskiza nian.
3.      Analiza dadus hanesan konjunta husi informasaun estrutura no fó posibilidade atu foti konklusaun no toma medidas, hare’e ba analiza dadus husi hakerek nain sei atende saida mak akontese no saida mak tenke halo, hodi analiza ba foti medidas atu implementa. Ne’ebé possivel atu foti konkluzaun hó analiza ne’ebé iha tiha ona.
4.      Foti konkluzaun (Verifikasaun) ne’e parte importante ida husi peskiza ne’ebé atu foti konklusaun no halo verifikasaun dadus atu realiza koleksaun ba dadus ne’ebé hetan iha fatin peskiza nian.
3.5.      Fatin no Tempu Kolekta Dadus

Fatin peskiza hala’o iha edifisiu Diresaun Geral Estatistika Nasional No edifisiu UNFPA, Peskizadór hili fatin 1 atu peskiza no sei hala’o durante fulan 1 (ida), peskizadór hili fatin refere, tamba iha edifisiu ne’e dadus kona-ba total populasaun iha Timor-Leste no edifisiu UNFPA hotu katak atu  hetan lalais kona-ba informasaun UNFPA nia apoiu ba diresaun geral estatistika ba realizasaun resensiamentu dadus iha tinan 2015 nian.



3.5. SISTEMATÍKA HAKEREK

Iha sistématika ninia laran hakerek nain esplika no detailu liu kona-ba nia kapitúlu no nia sub-kapitúlu mak hanesan tuir mai ne’e:

Kapitúlu I Introdusaun

Sub-kapitúlu mak hanesan tuir mai ne’e, introdusaun, identifikasaun problemas, formulasaun problemas, limitasaun problemas, objetivu hakerek, no mós sistémtika hakerek.

 
Kapitúlu II Enkuadramentu Teoria

Iha sub-kapitúlu ida ne’e atu koalia kona-ba teoria ne’ebé mak relevante hó topiku peskiza nian.

Kapitúlu III Metódologia Peskiza

Iha sub-kapitúlu ida ne’e atu koalia kona-ba saida mak peskiza, metódu peskiza, fontes uza dadus, metódu kolekta dadus no metódu analiza dadus.

Kapitúlu IV Elaborasaun no Esplikasaun

Iha sub-kapitúlu ida ne’e koalia historia ba koopersaun governu Timor-Leste hó organizasaun internasíonal UNFPA realizasaun resensiamento dadus iha tinan 2015, fatin peskiza, estrutura Diresaun Nasional Estatistika, no mós dadus peskiza nian to’o esplikasaun peskiza nain.

Kapitúlu V Maktaka                 

Sub-kapitulu ida ne’e koalia kona-ba konkluzaun hó rekomendasaun.

 BIBLEOGRAFIA

[1] Historia Timor-Leste, publika CAVR,pag 1.asesu iha sala leitura Xanana Reading Room,06/07/2016.
[2] Drs.T.May Rudy, SH, MIR., M,Sc.adminitrasi & organisasi internasional,pag 139.
[3]Relatorio UNDPA 2009,Pag 20-26, asesu iha sala leitura Xanana Reading  Room,06/07/2016
[4] Manual Politika Sensus Uma Kain 2010,pag 5.
[5] Konstituisaun RDTLiha artigo 8 no 9.
[6] Timor-leste koperasaun ho sistema direitus umanos ONU nian,pag 105
[7] Timor-leste koperasaun ho sistema direitus umanos ONU nian,pag 113
[8] Manual politika sensus uma kain 2015,pag 1.
[9] Jornal Diariu,asesu iha loron 30-07-2016. Resultadu resensiamentu dadus  preliminaria.
[10] Asesu dokumentos iha bibleoteka xanana reading room,publika husi UNDPA.
[11] Donor profile UNFPA,pag 12,asesu iha loron 17/04/2016.
[12] Pagina do Governo,diresaun gerál estatistika nasional Republika demokratika Timor-leste 2015,asesu iha loron 19/04/2016
[13] Donor profile agency UNFPA,pag 17,asesu iha loron 17/04/2016
[14] https://aitaraklaranlive.wordpress.com/asesu iha sala leitura xanana reading room.14/04/2016
[15],Mata dalan ba advokasia no publisidade sensus uma kain 2015,pag 11,asesu iha loron 20/04/2016.
[16] Ibid pag 13
[17] http://www.tempotimor.com/opiniaun/kualidade-de-dadus-census-2015-entre-espektasaun -governo-no-obstakul-reflesaun-no-observasaun-autor-iha baze,asesu iha loron 27/04/2016
[20] Dr.Agus Subgyo,S.IP.,M.SI.pag 17.asesu 24/04/2016
[22] Scott, Burchil ho Andrew Linklater,Teori-teori hubungan internasíonal,pag 34
[23] Pramusko Harjono jilid II,Teori Kependudukan,pag 32.
[24]  Maulana Noor Arif. pag 51, Asesu iha loron 30-07-2016
[25] Jonathan SarwonoMetodologi Penelitian Sosial, pag 67.
Diposting oleh di
Lokasi: United States

1 komentar:

  1. Unknown3 Agustus 2023 pukul 20.03

    Monografia ne'e bazeia ba matadalan ortografia tetun ida-ne'ebé? No haree ba konteúdu iha laiha koerénsia ideia no referénsia sira runguranga hela.

    BalasHapus

Langganan: Posting Komentar (Atom)