KOOPERASAUN
SEM (SECRETÁRIA DE ESTADO PARA O APOIO E PROMOÇÃO SOCIO-ECONÓMICA DA MULHER) HO
UN WOMEN HODI PROMOVE IGUALIDADE JÉNERU IHA TIMOR LESTE
(Studu kasu partisipasaun feto iha vida politika)
CAPÍTULO
I
Intrudusaun
1.1.
Antisidensia
Timor Leste nudar nasaun foun ida hosi nasaun sira iha mundo ne’ebé
hetan nia restaurasaun Independensia iha loron 20 de Maio 2002. Molok hetan
ukun nia restaurasaun independensia emar Timor moris iha okupasaun Indonesia
durante tinan 24 no decade lima ho balun iha ukun Portugues nian. Iha tempo
rezistensia organizasaun popular feto Timor Leste nian OPMT forma hodi
hasae estatutu hosi feto iha lideransa
politika no promove konsiençia politika hosi feto kona ba valor libertasaun,
demokrasia no igualdade.
Iha tinan 1999 feto Timor Leste hahú emvolve iha politika hodi harií
nasaun foun Timor Leste, Iha prosesu ne’e feto sira hasoru terus oin-oin ne’ebé
sira rasik tenke lori to’o ukun rasik an. Iha tempu ukun an ne’e desemvolvimentu nasaun Timor Leste lao dadaun
ona hosi setór ekonomia, edukasaun, infrastutura, no seluk-seluk tan inklui mos
igualdade jéneru. Iha prosesu desenvolvimentu ne’e emar hotu-hotu tenke servisu
hamutuk atu nune’e povo Timor rasik feto ka mane sei partisipa ho masimu iha desenvolvimentu
ne’e rasik. Iha mundo global importante tebes feto nia partisipasaun iha
kualker areas hodi marka prezensa iha sosiedade nia le’et katak buat ne’ebe mak
mane bele assume, feto mos bele signifika feto mos bele sai ministra, sai
deputada,presidenti da republika, bele sai prukuradora no seluk-seluk tan. Atu desenvolve igualdede jéneru no
empoderamentu feto sira konfiantemente afirma iha ajenda ne’e nu’udar intríseku
bá progresu[1].
Governo Timor Leste hahú ninia esforsu hodi promove abordajen
integradu bá jéneru liu hosi Sekretaria Estadu ba Promosaun Igualdade (SEPI)
ne’ebe maka harii ka kria iha IV governo konstitusional iha governasaun Aliansa
Maioria Parlamentar (AMP) basea ba dekretu lei 7/2007 ne’ebé aprova iha loron 5
fulan setembru 2007. Dektretu lei ne’e harii estrutura organizasionál IV
Governu konstitusional Repúblika Demoktrátika Timor-Leste. SEPI hala’o kna’ar
ne’ebé uluk hala’o hosi Gabinete Assesoria bá Promosaun Igualdade (GAPI).
Mudansa hosi GAPI bá SEPI hatudu komitmentu Governu kona bá diretu feto no
igualdade jéneru no mós hetan rekonhesementu bá papel feto sira atu realize paz
no desenvolvimentu bá Timor Leste. SEPI hahú ezerse nia mandatu 2007 too 2015. Liu-liu bá promosaun bá partisipasaun feto iha politika hatur progresu ho suportasaun bá governo
Timor Leste atraves liu hosi Organizasaun Internasional no duadores oi-oin
inklui UN Women no sosiadade sivil ne’ebé foka liu bá gender equality no hasae
kapasidade feto iha vida politika. UNIFEM (ne’ebé tinan 2010 troka naran bá UN
Women) liuhosi kooperasaun ne’e fo suporta sistematiku no structural atu
dezenvolve SEPI nudar institusaun ida liuhosi programa “Espesialista
Desenvolvimentu” iha 2010 nune’e mós apoio SEPI no governu hodi prepara aprezentasaun
relatóriu inisiál CEDAW no sira nia integrasaun bá iha programa no politika
sira. UN Women mos apoio bá projetu orsamentu sensivel bá jéneru. Ikus mai mosu mudansa politika bá remodelasaun
iha 2015/2016 bá VI governu kontitusional hodi muda naran SEPI bá Secretária de
Estado Para o Apoio e Promoção Socio-Económica da Mulher (SEM)[2].
Poliika SEM promove igualdade jeneru iha Timor-Leste liuhosi halakon
diskriminasaun no violensia hasoru feto, fo advokasia ba politika nasional no
setoral ne’ebé rekoñese kontribuisaun feto sira ba sosiedade. Politika SEM atu
asegura katak jeneru aborda iha estrutura institusional, entidade no mekanizmu
governu nian sira hotu ne’ebé haforsa no halo feto sir a bele partisipa iha
aspeitu no area hotu ema timor nia moris iha
nivel nasional no local. Atu alkansa SEM nia politika, SEM hahú halo
dialogu, establese ligasaun no kordena ho sosiedade sivil organozasaun kounitaria
sira, organizasaun nasional no internasional sira, organizasaun feto no joven
sira, no instituisaun no setor sira seluk ne’ebé iha relasaun ho servisu SEM.
SEM kontinua halo kooperasaun diak ho organizasaun internasional UN
Women no organizasaun nasional hodi promove diretu feto no partisipasaun feto
iha politika no lideransa. SEM hatudu progreusu ne’ebé diak atraves liu hosi
organizasaun non-governmental ou sosiedade sivil ne’ebé foka liu ba jeder
equality no hasae kapasidade feto.
Papel SEM nian fo impaktu pozitivu bá governo no estadu Timor Leste tamba feto Timor Leste
nia moris iha nakukun laran ou seidauk hatene buat barak kona ba lalaok
sivilizasaun nian. Iha tempu passadu mos feto Timor leste barak mak lahatene
ninia knar no ninia diretu tomak. Feto Timor Leste moris iha vida ne’ebé emar
hotu hatene katak ho desiguldade mesmo feto barak liu mane maibe feto sira
seidauk iha kapasidade atu bele akseso bá moris igualdade nian. Fatóres hirak
ne’e tamba iha tempu passadu feto hakruk ba mane aas tebes liu-liu iha uma kain
ida mane mak domina liu hola desizaun duke feto. Iha feto nia moris hodi servi
deit bá uma laran, servi bá banin sira no familia.
SEM kontinua vizaun no misaun SEPI nian hodi hetan mudansa ho
positive ne’ebé hatudu feto nia progresu no involvimentu iha vida politika no hasae
konhesementu no abilidade bá feto maluk sira iha area rural hodi buka solusaun
bá problema ne’ebé sira hasoru, atu mos partisipa iha vida politika no mos bele
foti desizaun kona bá desenvolvimentu liuhosi kapasidade ne’ebé iha. SEM halao
nia papel hodi hodi promove asaun sira liuhosi informasaun atu sensibiliza
opiniaun públika hodi adopta pratika diak kona bá igualdade jéneru liu-liu iha
vida ekonomia, sosiál ,kultura, politika no kombate diskriminasaun hasoru feto
liuhosi komunikasaun social, publikasaun no meius komunikasun seluk ne’ebé bele
uza hodi habelar informasaun bá feto mos hanesan meius ida hodi hakbi’it feto
sira nia kapasidade atu atende sira nia preukupasaun hotu no mos bele fo
kontribuisaun bá papel feto iha mundo no espésiafiku liu papel feto iha Timor
Leste.
Atu hakbi’it feto hodi sai parseiro ida ne’ebé forti, SEM halao nia vizaun
katak feto Timor Leste iha nasaun ida ne’e nakonu ho prosperio, dame tama iha
sosiedade ne’ebé igualdade jéneru ne’ebé ema feto nia dignidade ho direitus humanus
no hetan valor protejidu no promove liuhosi lei no kultura sira ne’ebé ejiste.
Feto tenke iha kapasidade ne’e duni liu hosi SEM nia misaun buka atu
promove kultura igualdade jéneru no responsabilidade bá sira, atu nune’e feto
iha vida politika bele organiza-an, bele lidera, foti desizaun no sai ponte fokal
ba sira ne’ebé seidauk involve iha vida politika hodi hola parte bá foti
desizaun[3].
Tuir rejultadu sensus populasaun iha tinan 2015 nian total
populasaun Timor Leste hamutuk 1.167.242, hosi numeru ne’e total feto hamutuk
578.681[4] no
total mane iha 588.561, hosi ne’e hare katak Timor Leste populasaun feto mos
barak. Ho populasaun feto barak iha Timor Leste estadu presiza fo atensaun bá
partisipasaun feto sira iha prosesu desenvolvimentu ba parte hotu inklui
partisipasaun feto iha vida politika hodi nune’e feto bele hola desizaun no fo
influensia bá ninia feto maluk sira iha area rural.
Iha legalidade ida hosi lei eleitoral no 6/2006 iha artigu 12 sesaun
3[5]
garante tebes feto nia partisipasaun iha uma fukun Parlamentu Nasional no
kualker orgaun ne’ebé iha Timor Leste bele hatur ona pozisaun ba feto hanesan
mos feto sai lideransa ka deputadu iha governu ka parlamentu no iha sosiedad.
Iha legalidade seluk hanesan konstitusaun RDTL artigu 16, 17, 46, no 63[6]
Ita hare katak depois de nasoens unidas ratifika tiha konvensaun
CEDAW hodi garantia diretu universal bá feto sira iha mundo maka hamosu
partisipasaun feto bá desenvolvimentu abansu ho signifikativu. Partisipasaun
feto komesa hahu iha tinan hirak liu bá kotuk hodi partisipa iha institusaun
públika ka privadu.
SEM nia misaun inklui promove feto iha vida politika mak hanesan
parte ida atu feto sira hakarak partisipa iha vida politika tamba bazea hosi
teorema, katak liuhosi politika kualker desizaun ne’ebé relevansia ho problema
públiku bele halo ho proporsionalidade. Ho kontestu implicit, feto sira tenke
muda hahalok moris nin hosi komunidade no nasaun liuhosi partisipasaun ne’ebé
bo’ot hodi akomoda no kontinuasaun iha prosesu politiku formal iha legislative doque bá feto sira ne’ebé iha nia
interese for a (liur) hosi forum legislative.
Legalidade sira ne’e fo dalan ba partisipasaun feto Timor Leste hodi hahu compete ona ba pozosaun iha nivel
nasional, internasional, distrital no mos iha nivel suku. Iha nivel nasional ita hare priméra legislature iha feto 27%[7] ,
segunda legislature feto 29% no terseira legislature 38,46% ne’ebé influence
ona iha Parlamentu Nasional.
Iha nivel Governu feto mos iha posibilidade okupa pozisaun
importante hanesan ezekutivu, asesoria promosaun igualdade, sekretaria estadu,
ministra no procuradoria. Feto nia inluença iha nivel internasional nudar
hanesan membru komite CEDAW no ba komisaun establesementu feto iha UNW (UN Women).
Iha parte seluk hanesan president ba iha G7 (grupu hosi estadu ne’ebé frazil)
no mos ba membru komite organizasun Saúde Mundial.
Feto ne’ebé priense iha V Governu Konstitusional hamutuk 18% ou
hetan pozisaun ho 10 pessoas no mane 45 pessoas e 82%.pozisaun sira ne’ebé feto
priense iha V Governu Konstitusional ministra 2 pessoas mak Ministra Finanças
no Ministra Solidaridade. Vice Ministra hamutuk 4 pessoas mak Vice Ministra
Finança, Vice Ministra Saude no Vice Ministra Edukasaun.
SEM no UN Women nia kooperasaun hodi promove feto iha nivel nasional
no governu local hanesan suku ne’ebé priense strutura governu iha nivel ki’ik
ne’ebé hetan fiar dereita hosi povo iha base hodi lidera no foti desizaun iha
suku mos as tebes. Hare iha numéru feto xefi do suku iha teritoriu Timor Leste,
iha eleisaun 2004-2005 representante feto iha suku hetan garntia hosi kuota
ne’ebé representa feto iha kada konselho numéru ne’e alkansa 28%. Iha eleisaun
2009 feto iha lideransa suku hasae ba 2% . iha eleisaun suku 2009 partisipasaun
feto iha liderança ou tur iha orgaun públiku hamutuk 1,433 pessoas. Dadus hirak
ne’e mensi ho rangking feto ne’ebé eleitu ba pozisaun nu’dar xefi suku hamutuk
nain 11 ou 2%, xefi aldeia 27 pessoas 2% feto ferik hamutuk 6 pessoas 1% no
representante feto 1, 379 pessoas 28%[8].
Hosi nivel suku feto iha kapasidade makas hosi sira ninia liderança
hodi hasa’e feto maluk sira ba aksesu kualker informasaun ba vida moris,
politika, sosiedade, ekonomia, saude, edukasaun nomos konhesementu papel feto
ba desenvolvimentu nasional iha pais Timor Leste.
Hakerek nain iha interese atu hakerek kona ba kooperasaun SEM ho UN
Women ba feto iha vida politika tamba realidade feto iha Timor Leste komesa
hahu mudança liuhosi vizaun no misaun SEM no hetan kooperasaun servisu hamutuk
ho UN Women hanesan organizasaun feto komesa iha inisiativa oin-oin kria grupu
no organizasaun ne’ebé hamahun malu. Feto iha area Timor Leste komesa hakbi’it
an oituan hodi promove talente ou hasa’e kapasidade iha vida ekonomia. Iha
beiala sira nia tempu la husik feto halo empregu ba nia aan maibe iha ukun an
feto laos hela deit iha uma hodi hein deit mandamentu hosi laen.
Iha tempu globalizasaun feto mesmu iha menus konhesementu maibe feto
komesa dudu nia an hodi compete ho mane hodi buka moris hodi kompleta ekonomia
iha uma laran. Pasu positive ba hakerek nain mak reprezenrante feto iha Timor
Leste hahu promove an iha politika no bele hola parte halo desizaun iha orgaun
públiku. Feto Timor Leste mos hahu prpara hodi aksesu ba informasaun oinsa bele
compete iha vida palku politiku hodi converse ninia interese no ninia
particular no bele hadaet feto maluk sira ba desenvolvimentu.
1.2. Identifikasun Problema
1.
Kooperasaun SEM ho UN Women
hodi promove igualdade jéneru iha Timor Leste!
2.
Promove partisipasaun feto iha
Vida Politika!
3.
Impaktu kooperasaun entre SEM
no UN Women!
1.3. Formulasaun Problema
Basea ba esplikasaun no enkuadramentu iha leten mak hakerek nain
halo formulasaun ba problema hanesan tuir mai ne’e, Oinsa kooperasaun SEM ho UN
Women atu promove feto involve iha vida politika?
1.4.
Limitasaun Problema
Basea ba eslikasaun iha leten maka hakerek nain limita tiha
Kooperasaun Secretária de Estadu Para O Apoio Promoçáo socio-Económica Da
Mulher ho UN Women hodi promove igualdade jéneru iha Timor Leste (Studu Kasu Partisipasaun Feto Iha Vida
Politika hosi 2012-2017)
.
1.5. Objetivu no Benefisiu
Hakerek
1.5.1
Objtivu Peskiza
Basea ba formulasaun problema iha
leten, mak iha mos objecivu ba peskiza ida ne’e hodi hatene enjeralmente
kooperasaun SEM ho UN Women ba partisipasaun feto iha iha vida politka maka
hanesan tuir mai ne’e :
1.
Atu hatene no identifika oinsa
partisipasaun feto Timor Leste nia involvement iha vida politika, estrutura
parlamentu, estrutura governu, tuir garantia lei partidu no 3/2004 artigu; 8
2.
Atu hetan informação hosi
estrutura politikus kona ba implementação baseia ba lei partidu politico,
espesialmente artigo ; 8
3.
Atu hatene komitmentu feto sira
ba partisipa iha vida politika.
1.5.2 Benefieiu Peskiza
Wainhira
hipoteza ne’ebé iha bele atinze duni, maka benefisiu hosi hakerek ne’e mak:
1.
Resultadu peskiza ne’e sai
hanesan meteria no sujestaun hodi hasa’e kapasidade no aumenta konhesementu ba
SEM ho UN Women nia apoio, hanesan feto involve iha vida politika.
2.
Fó mos infórmasaun bá feto
maluk sira, atu nune’e bele hetan no aumenta informasaun diak kona ba
kapasidade vida feto nian liu-liu ba feto iha vida politika
3.
Sai mos hanesan material
informasaun bá dosentes sira iha UNDIL, Fakuldade Siencia Politika,
Departementu Relasaun Internasional
4.
Sai mos hanesan referensia ba
hakerek nain atu bele hasa’e no dezenvolve diak liu tan peskiza ih futuru mai.
1.6 Sistematika
Hakerek
Teze ne’e sistematika iha diskusaun ne’ebé kompostu hosi kapitulo
mak hanesan tuir mai ne’e:
Ø Kapitulo I intrudusaun sei koalia kona bá intrudusaun antisidensia,
identifikasaun problema legal,
formulasaun problema, objetivu peskiza, inklui peskiza.
Ø Kapitulu II sei hato’o kona
bá teoria basiko no hanoin balun matnek nain sira ne’ebé relevante ho
partisipasaun feto iha politika.
Ø Kapitulu III diskrisaun metodologia nian, kona ba metodu peskiza,
fontes dadus, tekniku halibur dadus, tekniku analiza dadus, inklui fatin no
tempu halibur dadus.
CAPÍTULO
II
Baze
Teoria
Teoria hanesan sistematika siencia hosi teoria ida no ninia konseptu
tomak hosi peritus nian, ou spesies sienscia seluk hodi forma strutura siencia
ne’ebé kompleto no komprehensivo ligado ho konteudu hosi titlo proposta “
Kooperasaun SEM ho UN Women hodi promove iguldade jéneru iha Timor Leste.
2.1. Teoria Kooperasaun
Tuir Zainudin kooperasaun ou servisu hamutuk hanesan sentimentu ema
ida ou hamutuk ema seluk ne’ebé hala’o aktividade ne’ebé fo benefisiu bá parte
hotu ho prinsipiu fiar malu, respeita iha normas ne’ebé regula, maka
kooperasaun hanesan ne’e bolu katak kooperasaun iha kontestu organizasaun katak
kooperasaun entre membru organizasaun hodi atinze bá objetivu organizasaun
(membru hotu)[9].
Tuir Pamudji ho nia livru titlu kooperasaun entre rai ida (1985; 12-13) kooperasaun
ne’e lolos fo indikasaun bá parte rua ne’ebé dinamis hodi atinze objetivu
hamutuk.
2.2. Teoria Relasaun
Internasional
Mathvison fo definisaun kona bá relasaun internasional mak relasuan
hosi parte aspeitu hotu ne’ebé hosi sosiedade nia moris nudar ema ne’ebé iha
relasaun internasional hanesan relasaun entre nasaun, grupo iha mundu, mai hosi
forsa no presaun, prosesu ne’ebé deterrmina sistema ema moris nian relasi ho
hahalok no hanoin ida hosi ema.
Entertantu Mc. Clelland halo definissaun katak relasaun
internasional ho momos nudar studu ida kona bá interaksaun entre koesaun social
ida inklui studu ne’ebé relevante ho interaksaun. Hanoin hosi K.J. Holsti
relasaun internasional mak ligadu los ho forma interaksaun entre nasaun ne’ebé
hola parte hosi governu ou sidadaun sira.
2.3. Teoria Organizasaun Internasional
Parte ida studu relasaun
internasional mak organizasaun internasional hanesan autor ida iha relasaun
internasional. Organizasaun internasional hahu hari’i ho objetivu hodi mantein
regulamentus atu lao ho seguru hodi atinze objetivu hamutuk hanesan wadah
relasaun entre nasaun no regional atu nune’e interese hosi nasaun sir abele
seguru ho koneksu relasaun internasional.
Tuir hakerek nain Clive Acher iha
livro International Organizations. Organizasaun Innternasional mai hosi lia
fuan rua, Organizasaun no Internasional. Liafuan internasional sempre iha signifika ni ninia kontuidu oi-oin,
dahuluk, intergovernmental signifika inter-state ou relasaun entre delagasaun
hosi pais ne’ebé soberania ona. Daruak aktividades entre individu ho individu
no grupo ho grupo iha nasaun seluk nomos inklui relasaun inter-governmental
ne’ebé bolu relasaun internasionnal. Datolu relasaun entre ramos governu ih
nasaun ida (hanesan departementu defesa) ho governu seluk iha nasaun seluk
(hanesan departementu defesa no intelegensia) nune’e relasaun ne’e la liu hosi
linha desizaun externa ne’ebé ho naran Trans-Governmental.
Datoluk relasaun ne’e nafatin parte ho relasaun internasional[10].
Organizations
iha liafuan International Organizations
dala barak sai problema kona bá forma singulares ne’ebé mak bolu organization. Dadaun ne’e iha
esplikasaun katak organization mak prosesu ida iha no querdizer liafuan International Organization mak aspeitus
representative hosi fase ida iha prosesu refere ne’ebé mak atinze ona iha ba
tempu ne’e deit.
Iha kategoria rua ne’ebé principal
iha Organizasun Intrnasional mak :
1.
Organizasuan entre Governu
(Inter-Governmental Organizations/IGO), ho ninia membru maihosi delegasaun
formal hosi governu ka estadu. Exemplo , Nasoens Unidas no World Trade
Organization (WTO)
2.
Organizasaun non governmental
(Non-Governmental Organizations /ONG), mai hosi groups kategoria privadu iha
area science, relijiozu, kultura, grupo ajudus tekniku ou ekonomia no
seluk-seluk tan. Exemplo, Cruz Vermelha Internasional.
Karakteristik geral ne’ebé mak hetan spesies departementu
Internasional ne’e haktuir mai : organizasau permanente atu halao funsaun
idak-idak ho ninia membru spesifiksmente nudar voluntaria, instrument basiko ho
objetivu, strutura, no metode implementesaun; departementu konsultaativu ne’ebé
representative; secretario permanente ne’ebé halao funsaun administrasaun,
peskiza no informasaun.
Tuir Culombis ho Wolfe hateten katak klasifikasaun organzasaun
internsional ne’e kombinasaun entre membrus ho objetivu. Peritus nain rua ba
studu relasaun internasional ne’e hateten katak IGO nia klasifikasun fahe
kategoria 4 baseia membrus no objetivus sira mak :
1.
Global Membership and General
purpose, mak hanesan organizasaun internasional entre governu ho membrus global
no mos motive no objetivu geral, exemplo UN (Nasoens Uniadas).
2.
Global Membership and limited
purpose organization, mak hanesan organizasaun internasional entre governu no
membrus global ne’ebé iha objetivu spesifiku ou special. Organizasaun ne’e ho
konhesidu hanesan organizasaun internasional funsional nia tamba halao funnsaun
especial.
3.
Regional Membership and general
purpose organization, mak hanesan organizasaun internsional entre governu ho
membrus regional ou baseia bá regiuan ne’ebé ho motive no objetivu ne’ebé
jeral, bain-bain halao iha area ne’ebé luan, kover bá seguransa , politika,
social, ekonomia no seluk-seluk tan.
4.
Regional Membership and
limieted purpose organization mak hanesan organizasaun internasional entre
governu ho membru regional no iha motive no mos objetivu spesifiku no limitadu.
Organizasaun internasional ne’e halao
iha area military no defesa, area ekonomia, social no seluk-seluk tan.
Hosi kategoria hat (4) iha leten, kategoria daruak, Global
Membership and limited purpose organization, mak hanesan organizasaun
internasional entre governu ho membrus global no iha objetivu spesifik ou
especial mak nudar organizasaun internasional ne’ebé funsional tamba halao
funsaun ne’ebé special , hanesan Kooperasaun SEM ho UN Women hodi promove
igualdade jéneru iha Timor Leste.
2.4.
Teoria Igualdade Jéneru
Igualdade jéneru katak iha
kondisaun ida bá mane no feto iha oportunidade hanesan ho hakat no hetan
direitus iha qualquer tipo servisu ou poderes. Igualdade mos iha papel ida ba
feto no mane hodi asesu ba edukasaun, partisipasaun iha aktividade vida
politika, justisa, ekonomia, sosiu-kultura no defesa e siguransa nasional.
Igualdade nia sentidu hodi halakon diskriminasaun entre mane no feto iha forma
saida deit.
Iha konsiensia sosiedade
no kondeitu gender katak dala barak sosiedade halo tafsiran bá issue gender ho
respons ne’ebé diferensia no lahalo proporsional. Iha fatores balun ne’ebé sai
influensia boot hodi nune’e issue gender ne’e sai oin-oin[11].
Hakerek nain Oakley (1972)
fo ninia signifikasaun ba liafuan Gender katak diferensia ou sexo ne’ebé laos
biologia no laos kuadratu Maromak. Iha hakerek nain Caplan (1987) fo ninia
argumentu bá liafuan gender hanesan diferensia ida hosi hahalok entre mane no
feto ne’ebé laos strutura biologia, maibe dala barak formas liu hosi prosesu
hois Socio no Cutura. Gender iha science sosias signifikadu
hanesan hahalok relasaun mane no feto ne’ebé baseia bá identidade sosiedade
idak-idak (Zainudin, 2006:1). Tuir Pengarusutaan gender katak prosesu ida atu
hare no analiza kona bá feto no mane ba asaun hotu-hotu liu-liu feto ba planu
inklui lejislasaun, desizaun, ou programa ba area hotu-hotu ne’ebé mak iha.
2.5.
Teoria Femenisme
Teoria
femenismo hanesan level generic ba prespektiva ou grupo teoria ne’ebe maka
halao eksplorasaun ba konseptu jeneralidade. Teoria femenisme hateten
katak aspektu moris barak maka se’es
husi sexo biologia ne’ebé maka ita hotu hatene katak jéneru inklui lingua,
servisu, papel bá familia, edukasaun I mos sosialijasun. Teoria femenisme mosu
wainhira mosu feto modern no kontemporer ne’ebé komesa halo intervensaun bá iha aspektu hotu – hotu. Komesa husi sira
nia involve an iha atividades militer no ekonomia global. Ida ne’e hatudu mai
ita katak papel feto mos importante iha nasun ida I feto mos bele halo desenvolvimento iha area barak.
Teoria
Femenizmu Liberal kondena makas katak feto barak iha area remotas linha
kapasidade lainvolve iha dezenvolvimentu no kapasidade ne’ebé iha menus tamba
la aksesu bá edukasaun no feto rural dirije nivel edukasaun pratika. Teoria
femenizmu foka liu ba kapasidade feto liuhosi edukasaun hodi nune’e feto iha
konhesementu klean.
Teoria
Femenizmu Radikal buka problema nia abut ne’ebéla tuir sira nia persepsaun ho
feminist liberal. Femeniz radikal hare
kausa principal akontesementu injustisa tamba sistema patriarchal ne’ebé sai
vigor ona iha sosiedade. Nune’e mos hare relsaun sira nia liderança entre mane
no feto tamba asuntu ne’ebé mai determina marjinaliza feto iha lisaun oin-oin[12].
Teoria
Femenizmu Marxis no Sosialis teoria ida ne’e laiha paridade iha edukasaun akontese
tamba istitusaun adukasaun sira ne’e kria klase ekonomia. Edukasaun sai hanesan
bisnis (negosiu) no serbi liu bá sira nia klase ekonomia a’as. Edukasauan lakon
ona niania sentidu, laos ona hamatenek nasaun maibe atu fo benefisiu ba moris
privadu. Relasaun politka entre ekonomia forte no fraku hare’e bá la optimiza,
tan ne’e grupu ki’ik hetan exploitasaun no nafatin ihakondisaun beik.
Teoria
postrukturalis no postmodernizmu, teoria ne’e kritika definisaun edukasaun kapasidade
hasentru-an bá iha mane “male centered”. Maibé Main Streaming Gender (MSG)
nudar realizasaun hosi komitmentu global atu fó onra bá direitu fundamental
imana, ne’ebé relasiona ho pariedade oportunidade no tratamentu hanesan bá mane
no feto atu halao sira papel.
2.6.
Teoria Politika
Politika iha defenisaun jeral
nudar halo desizaun politika (policy) no prosesu implementasaun desizaun[13].
Politika mai hosi liafuan
polis signifika katak Negara kota, ho politika katak iha relasaun especial entre
ema ne’ebé mak moris hamutuk iha relasaun ne’ebé iha regulamentu, kewenwngan, atitudi
ukun nain, legalidade poder no seluk-seluk tan.
Tuir matenek nain iha tempu
yunani klasika Aristoteles katak politika hanesan asosiasaun ida ne’ebé akumula
sidadaun do estadu ne’ebé mak iha funsaun hodi koalia no hatur problemas ne’ebé
kona bá interese komum hosi membru populasaun hotu-hotu. (interese publiku no
interese).
2.7.
Teoria Feto
Iha livru Gneder and Politics
(2009:102) katak signifika hosi feto mak
hansan movimentu social, kultura no politika, ne’ebé mai hosi teoria filozifia
moral ne’ebé iha relasaun la equivalen ho gender no diskriminasaun. Nune’e
realsa liu tan katak feto mos hanesan dispozisaun ida ba hodi konsentradu ba
equivalensia ideologia umana. Nune’e reforsa tan hosi Dian Ferricha (2010:15)
hatete katak : “feto nu’udar pate ida ne’ebé mak tenke iha responsabilidade
maximu (double burden) iha familia no
sosiedade[14].
CAPÍTULO III
METODOLOGIA
3.1. Métodu Peskiza
Métodu ne’ebé utiliza hodi halo
peskiza ida ne’e mak métodu deskritivu kualitativu hó dadus sekundáriu ne’ebé
hetan hosi literature oi-oin. ne’ebé deskreve kona ba sasá de’it ne’ebé iha
relasaun ho problema ne’ebé mensiona tiha iha monografia ida ne’e.
Tuir Bogda no Taylor (1975:5) “metodelogi kualitatif” hanesan prosedur
peskiza nian ne’ebé rejulta dadus deskretivu ho forma eskrita ka verbál hosi
emar sira no hahalok ne’ebé observa ba.
3.2. Fontes dadus
3.2.1. Dadus primáriu katak dadus ne’ebé hetan direita
hosi peskizador iha kampu peskiza liuhosi aprosimasaun rua mak hanesan :
observsaun no intrevista
3.2.2. Dadus sekundáriu katak dadus ne’ebé peskizador
hetan hosi dokumentu sira iha peskiza fatin no hosi revizaun literature.
3.3. Tékniku halibur dadus
Tekniku halibur dadus nudar
dalan ida ne’ebé mak importante no strategia hodi halo peskiza tamba baseia ba
objetivu peskiza hodi hetan dadus ne’ebé mak peskizador halo. Tekniku halibur
dadus mak hanesan tuir mai ne’e[15]:
3.3.1.
Teknika entrevista ka interview katak dadus primeiru. Iha rekollamentu
dadus primeiru ida ne’e hetan hosi interview direita ho respondent sira ne’ebé
mak iha kargu xefia sira no emar sira ne’ebé mak iha konhesementu iha kona bá
problema identifikado.
3.3.2. Tekniku
dokumentasaun katak, tekniku rekolla dadus kona ba teoria sira no dokumentu,
livru, website internet ne’ebé relasiona ho problema ne’ebé atu halo peskiza bá.
3. 4. Tékniku análiza
dadus
Hafoin daadus sira rekolha tiha,
tuir mai mai sei halo buat hira hanesan tuir mai ne’e :
3.4.1.
Edita dadus (editing), katak halo revista bá dadus
ne’ebé hetan, liu hosi interview no rekolla dokumentu sira, karik iha erru ruma
bela hadiak atu nune’e dadus ne’e loos fo ninia fonte adekuadu.
3.4.2.
Fó kodigu (coding) katak, dadus ne’ebé rekolla ho forma numeral, fraze badak
ka naruk ka “sim” ka “lae” ka atu halo fasil analiza presiza resposta sira
ne’ebé presiza iha kodigu, fó kodigu iha resposta sira ne’ebé importante atu
dehan katak karik iha elaborasaun dadus ne’e liuhosi komputador uza dadus. Ida
ne’e signifika bainhira halo dadus iha komputador presizamente tau númeru sira
ba kada resposta.
3.4.3.
Análiza dadus, iha análiza
dadus hosi rezultadu peskiza nian, autor uza análiza kualitativu, katak análiza
ida ne’ebé la uza númeru sira maibe hó diskrisaun Verifikasaun fraze hafoin
liga ho lejislasaun ne’ebé iha ligasaun ho teoria sira no opiniaun sira hosi
autor no finalmente halo rezumo, no rezumo ne’ebé hola uza ho maneira dedutivu
katak hanoin halo rezumu espesífiku mak hanesan resposta ba problema ne’e.
3.4.4.
Verifikasaun no konkluzaun nu’dar
atividade ba dalaikus hodi análiza dadus nian. Deskrisaun ba konkluzaun ne’e
mak interpretasaun atividades hanesan deskobre signifikadu hosi dadus sira
ne’ebé maka aprezenta ona. Entre divulgasaun dadus o deskrisaun konkluzaun ne’e
nia laran iha atividade kona ba análiza dadus be eziste. Iha ninia signifikadu
iha ne’e mak anaiza dadus kualitativu nudar esforsu ida ne’ebé mak kontinua
nafatin no repeat bebeik. Asuntu kona ba redusaun no aprezentasaun dadus no mos
verifikasaun sai nudar deskrisaun ida hodi susesu ho sekuensialmente hanesan
atividade analiza tomak be ligadu bá[16].
3.5.
Fatin no tempu kolekta dadus
Fatin peskiza halao iha
edifisiu Sectretária de Estadu Para O Apoio Promoçáo Sosio-Económica da Mulher.
Peskizador hili fatin 1 hanesan lokasaun bá peskiza ne’e, ne’ebé sei halao
durante fulan 1 (ida), peskizador hili fatin refere tamba iha edifisiu ne’e
dadus kona ba promove igualdade jéneru barak no to’o hetan lalais aksesu ba
informasaun kona bá partisipasaun feto iha vida politika.
[1] Relatorio Paz Y desarrollo
[2] Relatorio SEPI 2007-2012
[3] Reportage SEM iha tinan 2016
[5] Martinho Gusmao Mata Dalan Eleitoral,
2011:211
[7] Fokupers Relatorio 20102-2012, pagina 1
[8] Livro Edukasaun
Sívika Post-Elisaun, Asia Paciffic Support Collective Timor-Leste, Lavandaria
Bairo Pite
[9] Cesario da Silva, Skripsi ho titlu
kerjasama Timor Leste dengan PBB dalam pengimplemenasian Program Development
Goals, hal, 12 2013.
[10] Kolekta hosi Skripsi Sr. Victor da Costa
Neto, 2013 ho Titlu Kerjasama UNDP dengan TL (Studi Kasus Perkembangan Bayi Balita
di Negara Timor Leste)
[12] Defenisi Pelatihan Geogle, 14 Outubru 2014
[13] Materi Sr. Antonio Martins Soares, S. IP.
MM
[14] Dian Ferricha, Sosiologi Hukum dan Jender,
2010, Malang:Bayumedia
[15] Op. Cit. Maulana Noor Arif hal. 51
[16] Livro Metodologi Penelitian Sosial, pag 67
